સફર

નથી કોઈ પણ માર્ગદર્શક અમારો,
નથી ક્યાંય પણ કોઈ મંઝિલ અમારી,
મુસીબત ઉઠાવી ફકત મોજ ખાતર,
અમારી અદાથી સફર કોણ કરશે.
- ‘ શૂન્ય’ પાલનપુરી

      મને બહુ જ ગમતો આ શેર આજે યાદ આવ્યો. પ્રેમના પંથે સફર કરતા પ્રવાસીની સફરની આ વાત છે. સ્ત્રી અને પુરુષ વચ્ચેના દૈહીક વાસનાથી ભરેલા પ્રેમની આ સફર નથી. આ તો સત્યશોધકની સફર છે. એમાં કોઈ ગુરુ કે માર્ગદર્શક ન હોય. કોઈ ધ્યેય પણ ન હોય. પ્રસીદ્ધીની, કીર્તીની કોઈ ખ્વાહેશ ન હોય. કોઈ સાથે ચાલનાર ન હોય; તો પણ એકલા ઝુમતા રહેવાનો અલગારી આનંદ જ આનંદ હોય.

      માત્ર સફર  કરવાની જ મસ્તી હોય. અલગારી મસ્તી. પળેપળનો આનંદ. મુસીબત ઉઠાવવાનો પણ આનંદ. તેની અદાની ખુમારી.