પાન લીલું જોયું – હરીન્દ્ર દવે

પાન લીલું જોયું ને તમે યાદ આવ્યાં
જાણે મૌસમનો પહેલો વરસાદ ઝીલ્યો રામ!
- હરીન્દ્ર દવે    

(  આખું કાવ્ય વાંચવા અને સાંભળવા અહીં ‘ક્લીક’ કરો.  )

       પરમ તત્વ ક્યાં ક્યાં જોઇ શકાય ? ક્યાં ક્યાં તેના અસ્તિત્વની અનુભૂતિ થાય? આ મોટા ગજાના અને ઊંડી દ્રષ્ટિ વાળા કવિ આ રચનામાં જે દર્શન આપણને  કરાવે છે તે બહુ જ અદ્ ભૂત છે.  એક પગલું ઉપડે, અને તેની યાદ આવે.  સાવ સામાન્ય પગરવના અવાજમાં પણ આપણે તેનો અવિર્ભાવ માણી શકીએ.
       અહીં આપણે તે તત્વ સાથે આ માટે જ ગોઠડી કરતા રહ્યા છીએ;  અંતરની વાણી ઉજાગર થાય તો જ આવાં અમૂલાં દર્શન આપણને હાથવગાં થઇ શકે. સમગ્ર જીવનને એક નવી દીશામાં વળાંક તો જ આપી શકાય.  આપણે રખે ને એમ માનતા થઇ જઇએ કે , આ તો સન્યાસની, જગતથી અલિપ્ત થવાની વાત છે. આ તો આપણા જીવનને એક એવું  પરિમાણ આપવાની વાત છે જ્યાં પહોંચ્યા પછી આપણે વૈકુંઠની ખેવના છોડી દઇ શકીએ. અઠે દ્વારકા તો જ થાય !
         જીવનની હર એક ક્ષણમાં તો જ આપણે જીવી શકીએ. આ અશક્ય નહીં, સાવ શક્ય છે. આપણે એક ડગલું ભરીએ છીએ એટલું શક્ય! પણ આ ડગલું આપણે બહાર નહીં પણ આપણી અંદર માંડવાનું છે.

- સુરેશ જાની